أرجو المشاركة فى الإجابة من كل قارىء

بسم الله الرحمن الرحيم
أرجو المشاركة فى الإجابة من كل قارىء

كيف يحبك الناس؟

والسؤال الاخر هل انا احب الله ليحبوني اما اني اطمع بما ليس بيدي ان اقدمه ؟!!

لو سالنا اي حد انت بتحب ربنا ؟ الاجابه : طبعا بلا شك هو ده سؤال تساله ؟؟؟؟!!!!

ولعل الكثير لا يعلمون ان الحب ليس بالحديث او الكلام وانما بالفعل

نرجع للاخ اللي سالناه هو انت بتحب ربنا ؟

ايوه يا باشا بحبه طبعا

انت بتصلي ؟

شويه .. متقطع ..

انت بتصل رحمك ؟

انا متخانق مع نصهم لانهم غلطوا فيا

انت .. انت .. انت ؟!!

يبقى انت مبتحبش ربنا ...

ازااااااااااااااااااااي؟

اقلك انا ازاي انت عارف اولا ايه معنى الاسلام؟

هو الانقياد التام لأمر الآمر و نهيه .. بلا اعتراض

يعني ايه؟

يعني الامتثال لاوامر الله .. انك تطيع الله في كل اوامره وتنتهي عن كل نواههيه

انت لما مبتصليش يبقى انت هكذا تعصي الله

نعم تعصي الله على ارضه ...

انت لما مبتصمش مبتزكيش لما تقطع رحمك انت كده جااااااااااحد نعمة الله

طيب يبقى انت كدة بتحبه؟

عندك حق يا اخي ....

طيب تفتكر لما تطيع ربنا وتطيع كل اوامره وتنتهي عن كل نواهييه هيحصل ايه؟

ربنا هيحبني

جميل اوي هو ده اللي عايزين نوصله ربنا هيحبك

طب انت سمعت الحديث ده؟

إن الله ، إذا أحب عبدا ، دعا جبريل فقال : إني أحب فلانا فأحبه . قال فيحبه جبريل . ثم ينادي في السماء فيقول : إن الله يحب فلانا فأحبوه . فيحبه أهل السماء . قال ثم يوضع له القبول في الأرض . وإذا أبغض عبدا دعا جبريل فيقول : إني أبغض فلانا فأبغضه . قال فيبغضه جبريل . ثم ينادي في أهل السماء : إن الله يبغض فلانا فأبغضوه . قال فيبغضونه . ثم توضع له البغضاء في الأرض
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2637
خلاصة الدرجة: صحيح

لو كنت عايز الناس تحبك .. حب ربنا الاول