بستـــــــــان العابدين
السلام عليكم ورحمة الله وبركاته ............... اهلا بكم ومرحبا اخواننا واخواتنا بمنتدانا ومنتداكم ((إلاّ رمضان)).... متمنيين لكم الافادة والاستفادة قدر الامكان ... من موضوعاتنا وموضوعاتكم بما يتناسب مع كل مسلم انسان.....^_^ نتمنى انضمامكم معنا^_^



 
الرئيسيةاليوميةس .و .جبحـثالتسجيلدخول
للتواصل مع ادارة المنتدى يمكنكم اضافه الايميلات الاتيه
للاخوة فقط >>>    bostan_4_bro@yahoo.com
للاخوات فقط >>>   bostan_4_sis@yahoo.com
 
لتتعرف على منتدى بستان العابدين اكثر او لتعرف كيفية وضع موضوع او كتابة تعليق فضلا ادخل هذا الرابط
 

شاطر | 
 

 نفسك ف ايه؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اباعبيد الله
طبيب منتدى الا رمضان
طبيب منتدى الا رمضان
avatar

عدد المساهمات : 319
نقاط : 3714
تاريخ التسجيل : 05/08/2009
العمر : 32
العمل/الترفيه : الشيخ الطبيب
المزاج : الحمدلله رب العالمين

مُساهمةموضوع: نفسك ف ايه؟؟؟   الأحد أكتوبر 11, 2009 1:08 am

السلاااااااااااااام عليكم .. اخوانى واخواتى

يارب تكونوا بخير وسلام

المهم ندخل فى موضوعنا .. ونسأل سؤال .. نشوف بس اجابات الناس اللى عندنا وبعد كدا كل واحد يجاوب بينو وبين نفسو

هدفك ايه فى الحياة ...؟؟؟
هدفك ايه من حياتك .....؟؟
لو سألنا السؤال دا لبعض من قطاعات المجتمع .. هنجمع بعض من هذه الردود
انا هقول بعضها .. عشان فى رد مخليه فى الاخر

* لو سألنا طالب مستهتر .. لا يعيش الا لكى ياكل ويشرب لا يعيش الا ليتمتع بالحياة
هيرد وهيقولك ... نفسى اتجوز واجلس فى البيت ... وابقى غنى اوووووووى مووووووووت
او هيقولك نفسى ابقى ننسى عجرم ومشهور اوى

* لو سألنا طالب عادى .. عادى خالص
هيقولك انا نفسى اتخرج بقى واخلص... يااااا .. ونفسى كمان اشتغل .. واكون نفسى
واتجوز واخلف عيال
قال يعنى فى حد بيخلف رجالة

* لو سالنا طالب تانى .. وهو فعلا محدد لنفسو خطة وماشى عليها
هيقولنا نفسى .. ويعدد لك النقاط
لانو فعلا محدد النقاط عندو بترتيبها ومجدولة وكلو تمام
وفعلا هو حاطط لنفسو هدف انو يكون انسان متفوق

* لو سالنا .. واحد تانى خالص ... واحد مثلا له فى السياسة والحركة والنشاط والكلام دا
هيقولنا نفسى مصر تتصلح ونفسى اتمتع بكل حقوقى واكون انسان جديد ومن اول يناير خلاص هيشيل ..
من الاخر يعنى نفسو يشوف حريه

* لو سألنا .. واحد بردو تانى وبردو خالص .. واحد مثلا من الشباب الملتزم وكداااا
هيقولك نفسى ... الاسلام يرجع من تانى يحكم العالم .. ونفسى ان فلسطين تتحرر ونفسى ان اليهود يطلعو
وووووو وهيقولك كلااام كتييييييير



كدا خلصنا امثالنا
بس مش معنى انى بتكلم عليهم كدا .. ان رافض اهدافهم وافكارهم او انى مقلل من قيمتها ... باستثناء طبعا الهدف الاول
لا والله ... انا عايز بس ارد على كل الاهداف الجميلة دى
بهدف تانى .. لانسان فارقنا .. كان حقا عظيم
لخص لنا كل هدف جميل فى هدف واحد أسمى واعلى

هذا الانسان .. هو الشيخ احمد يس
وفى اخر كلماته ... سأله احد الاعلاميين سؤال .. وكان يشبه سؤال موضوعنا
نفسك فى ايه يا شيخ

عرفين الشيخ يس قال ايه ...؟؟؟














نفسى ربنا يرضا عليا .. ويتقبل منى

هى فعلا كلمة من الاخرة .. كلمة فيها كل المفيد
تخيلو الشيخ احمد يس يقول كدا ...!!
ايو فعلا هو قال كدا
مقلش نفسى فلسطين تتحرر او نفسى الناس تفوق او نفسى ان شرع الله يحكم
هو لخص كل هذا وكل الاهداف والمعانى .. فى هذا الرد .. ربنا يرضى عليا ويتقبل منى
اكيد الكل دلوقتى هيقولك دا كلام مش منطقى .. طيب ما ربنا باذن الله هيقبل مننا
ارد عليك يا سيدى واقولك
ان فى فرق بين اللى حاطط هدف امامو قبل اى عمل وهو رضاء الله واستشعار رقابة الله
والشخص الذى يضع العمل فى حد ذاته هو الهدف
يعنى فى فرق بين الوسيلة .. والهدف الاسمى والاعلى


فتخيل انك قبل اى عمل استشعرت رقابة الله وضرورة رضا الله
اكيد العمل هيكون على اكمل وجه ... اكيد الاخلاص فى العمل هيكون فوق الوصف
اكيد اهدافو الاخرى هيتحرك فيها بكل همة ونشاط وكل اخلاص وتفانى

احب فقط ان اوضح ان هناك هدف عام وأسمى وهو رضا الله
فلن يعطلك هذا الهدف ابدا .. بل ستنجز وستتقن الاعمال .. وستخلص نيتك لله الواحد القهار

هو مش معنى كلام الشيخ احمد
انو مش عايز يحرر فلسطين .. ومش معنى كلامو بردو انو مش عايز العالم العربى يتحد ووو
هو فعلا الهدف اللى اتكلم عليه هو الاهم .. وهو ان ربنا يرضى عن هذه الاعمل
المهم ان الانسان يعمل فى هذه الحياة .. ويخلص نيته لله عز وجل ... ولا ينتظر النتيجة
فلن نسأل عنها ... سنسال فقط عن اعمالنا واخلاصنا فى اعمالنا



نعدى كدا على امثلة فى السريع
ولو نظرنا الى الشخص الذى يضع العمل فى حد ذاته هدف
حاطط مثلا .. الزواج .. ولم يتذكر الهدف العام وهو رضا الله
فسيحاول بكل الطرق الحصول على هدفه المشروع منها والغير مشروع .. المهم بالنسبة له هو ان يتحقق هذا العمل (( فالغاية عنده تبرر الوسيلة )) .. وهذا كلام لا يجوز

اما اللى حاطط رضا ربنا هدفو فى البداية
تخيل انك وضعت هدف عادى وهو الزواج .. وانك قبل ان تضع هذا العمل وكيفية تنفيذه وضعت امامك الهدف الاسمى وهو رضا الله
فاولا ستلجأ الى الزواج بطريقته المشروعة .. لا زواج عرفى
وثانيا فستحسن اختيارك لشريك الحياة
وثالثا فستحسن معاملة زوجتك وستصون هذا الميثاق الغليظ
ورابعا فستحرص على ان تصلح نفسك وبيتك .. فاذن صلحت الاسرة صلح الجتمع
وخامسا فستحسن تربية ابنائك ... لتخرج شبابا يحمل هم الوطن من بعدك
ووووو
الزواج دا مجرد مثال ... حبيت اوضح بيه الموضوع


فى النهاية يعنى حبيت اوضح لسيادتكم .. اننا وانا اولكم لو استشعرنا رضا ربنا عن العمل قبل ما نعملو .. الاخلاص فى هذا العمل هيكون عالى جداا ... ونسبة تحقيقو بردو عالية .. ونسبة اجتناب الشبهات بردو هتزيد
غير كدا وهو الاهم .. ان كل ما الاخلاص يزيد بين العبد وربه .. كل ما الصلة بين العبد وربه تزيد ... كل ما تسمو الروح الى اعلى الى السماء تسعد بالرضا فى الدنيا والجنة فى الاخرة

فى الاخر يا جماعة حياتنى كلها لربنا وتعبدنا ايضا لله .. وهدفنا من الاخر رضا ربنا
(( "قل ان صلاتى ونسكى ومحياى ومماتى لله رب العالمين" ))

اسف انى طولت عليكم ... وربنا يرزقنا الاخلاص .. ويرزقنا اننا نعمل من اجل رضا الله
وجزاكم الله كل خييييييييييير
الرجوع الى أعلى الصفحة اذهب الى الأسفل
Admin
Admin
Admin
avatar

عدد المساهمات : 851
نقاط : 4994
تاريخ التسجيل : 01/08/2009
العمل/الترفيه : Interior designer ............ In Shaa Allah
المزاج : التفااااااااااااااااااااائل دوما الحمد لله

مُساهمةموضوع: رد: نفسك ف ايه؟؟؟   الأحد أكتوبر 11, 2009 10:18 am

كلام قمة في الروعه ماشاء الله ..........

ولا يحتاج اي اعتراض عليه خصوصا عندما دعمت الموضوع بهذه الاية الجميله (( "قل ان صلاتى ونسكى ومحياى ومماتى لله رب العالمين" ))



وانا مع اننا نكون هدفنا واحد وهو رضا الله ثم بعد هذا نعدد النوايا وكان الصحابه بيعددوا النوايا ((انما الاعمال بالنيات ولكل امرئ ما نوى ..............))
الرجوع الى أعلى الصفحة اذهب الى الأسفل
http://bostanalabdeen.ahlamontada.com
 
نفسك ف ايه؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بستـــــــــان العابدين :: 

@ منتدى واحة ((إلاّ رمضـــــــــان)) @ :: قسم الموضوعات الحواريه ((الرأي والرأي الاخر))

-
انتقل الى: